У гульца дзяржынскага "Арсенала" падазрэнне на COVID-19 — адменены матч каманды
Матч з удзелам ФК "Арсенал" / vk.com/arsenaldzerzhinsk
АБФФ перанесла гульню 4-га тура "Макслайн — першай лігі" з удзелам "Гомеля" і дзяржынскага "Арсенала", якая павінна была адбыцца 10-га траўня ў Гомелі. Прычына — у аднаго з гульцоў каманды падазрэнне на каранавірус. Гэтую інфармацыю пацвердзілі ў самім клубе журналістам tribuna.com.
Як распавялі ў "Арсенале", гулец, чыё імя не называецца, адчуў сябе дрэнна ў пятніцу раніцай. У яго была высокая тэмпература і ламата.
Таксама адменены і трэніроўкі "Арсенала". Заняткаў не будзе да таго часу, пакуль не прыйдуць вынікі аналізу футбаліста, а яны чакаюцца ў панядзелак. Акрамя таго на наступным тыдні ўсім гульцам, трэнерам і работнікам каманды будуць праведзены тэсты на COVID-19.
Беларусь апошняя краіна ў Еўропе, у якой не спыніўся чэмпіянат па футболе з-за пагрозы заражэння каранавіруса. Працягваюцца матчы на толькі ў вышэйшай лізе, але і ў першай, і ў другой.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
