У Камітэце ААН зарэгістравалі скаргу брэстаўчанкі на дыскрымінацыю жанчын
У Камітэце ААН па ліквідацыі дыскрымінацыі ў дачыненні да жанчын зарэгістравана скарга Інгі Абрамавай з Брэста, перадае БелаПАН. Свой зварот у ААН яна накіравала амаль год таму.
Па словах Абрамавай, у ізалятары часовага ўтрымання Ленінскага раёна Брэста была дапушчана дыскрымінацыя яе як жанчыны. Актывістка дэмсіл была затрымана міліцыянтамі Брэста ў 2007 годзе.
За "нецэнзурную лаянку" Абрамаву асудзілі на пяць сутак, якія яна правяла ў ізалятары Ленінскага раёна.
У скарзе Абрамава заяўляе, што ў гэтай установе, дзе персанал складаецца толькі з мужчын, яна зведала дыскрымінацыю па прыкмеце полу.
У прыватнасці, супрацоўнікі ізалятара — мужчыны, мелі магчымасць назіраць за ёй у той час, калі яна карысталася туалетам. Акрамя гэтага, ізалятар абсталяваны сістэмай відэаназірання, якая дазваляе дзяжурнаму і міліцыянтам пастаянна сачыць за тым, што адбываецца ў камерах.
Па інфармацыі праваабаронцаў, гэта першы такі зварот з Беларусі, зарэгістраваны ў Камітэце ААН па ліквідацыі дыскрымінацыі ў дачыненні да жанчын.
Па словах Абрамавай, у ізалятары часовага ўтрымання Ленінскага раёна Брэста была дапушчана дыскрымінацыя яе як жанчыны. Актывістка дэмсіл была затрымана міліцыянтамі Брэста ў 2007 годзе.
За "нецэнзурную лаянку" Абрамаву асудзілі на пяць сутак, якія яна правяла ў ізалятары Ленінскага раёна.
У скарзе Абрамава заяўляе, што ў гэтай установе, дзе персанал складаецца толькі з мужчын, яна зведала дыскрымінацыю па прыкмеце полу.
У прыватнасці, супрацоўнікі ізалятара — мужчыны, мелі магчымасць назіраць за ёй у той час, калі яна карысталася туалетам. Акрамя гэтага, ізалятар абсталяваны сістэмай відэаназірання, якая дазваляе дзяжурнаму і міліцыянтам пастаянна сачыць за тым, што адбываецца ў камерах.
Па інфармацыі праваабаронцаў, гэта першы такі зварот з Беларусі, зарэгістраваны ў Камітэце ААН па ліквідацыі дыскрымінацыі ў дачыненні да жанчын.
