У Херсоне пачалі вывешваць украінскія сцягі

У Херсоне пачалі вывешваць украінскія сцягі. Адзін з іх з'явіўся ў цэнтры горада перад будынкам абласной адміністрацыі. Сцвярджаецца, што сцяг вывесілі херсонскія партызаны, якія актыўна дзейнічалі падчас акупацыі, знішчаючы найперш калабарантаў.

Расійскія войскі сышлі на левы бераг Дняпра (пра гэта сцвярджваюць расійскія "ваенкары"), а ўкраінскія войскі ўжо на падыходах да горада. Ці застаюцца ў Херсоне яшчэ расійскія падраздзяленні, невядома. Расіяне напярэдадні ўзарвалі ў горадзе некалькі аб'ектаў (у тым ліку і моцна пашкоджаны ўкраінскімі ракетамі Антонаўскі мост), іншыя былі замініраваныя.