У Клічаўскім раёне на пажары бацька выратаваў сына, а сам загінуў
![Пасля пажару / mogilev.mchs.gov.by](/sites/default/files/styles/gallery_main/public/2023-08/211.jpg.webp?itok=CXdP1Dgl)
Пасля пажару / mogilev.mchs.gov.by
У Клічаўскім раёне Магілёўскай вобласці на пажары бацька выратаваў сына, а сам загінуў, паведамляе mogilev.mchs.gov.by. Мужчына эвакуяваў 9-гадовага хлопчыка праз акно, а сам збіраўся выйсці з дома праз дзверы.
Здарэнне адбылося 15 ліпеня пасля 17-й гадзіны ў аграгарадку Заполле. Там загарэўся дом, які сям'я з Бабруйска выкарыстоўвала як лецішча. У той момант у ім быў 56-гадовы гаспадар з сынам. Мужчына не дайшоў некалькі метраў да выхаду — ратавальнікі знайшлі яго абгарэлы труп. Яго сыну шпіталізацыя не спатрэбілася.
Прычына ўзгарання пакуль невядомая.
![У Клічаўскім раёне на пажары бацька выратаваў сына, а сам загінуў](/sites/default/files/styles/default_image_paragraph/public/paragraphs/image/212_2.jpg.webp?itok=n5Ur5lCM)
mogilev.mchs.gov.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.