Памёр легендарны беларускі барэц Аляксандр Мядзведзь
![Аляксандр Мядзведзь](/sites/default/files/styles/gallery_main/public/2024-09/medved.jpg.webp?itok=snoOb1G6)
Аляксандр Мядзведзь / minsknews.by
Не стала легендарнага беларускага барца Аляксандра Мядзведзя. Пра гэта паведамляе БЕЛТА. Мядзведзь тройчы выйграваў Алімпійскія гульні: у 1964 годзе ў Токіа, у 1968 годзе ў Мехіка і ў 1972 годзе ў Мюнхене. Прычым ён атрымаў перамогі ў трох розных вагавых катэгорыях (паўцяжкай, цяжкай і абсалютнай). Мядзведзь сем разоў станавіўся чэмпіёнам свету і тры разы чэмпіёнам Еўропы.
Пасля завяршэння спартовай кар'еры працаваў дацэнтам у Мінскім радыётэхнічным інстытуце, быў трэнерам па барацьбе і загадчыкам кафедры спорту. Пасля распаду СССР стаў віцэ-прэзідэнтам НАК Беларусі і трэнерам алімпійскай зборнай краіны па вольнай барацьбе. У 2001 годзе прызнаны лепшым спартсменам Беларусі XX стагоддзя. У 2004 годзе на цырымоніі адкрыцця Алімпійскіх гульняў у Афінах нёс сцяг краіны.
У 2005 годзе быў прызнаны лепшым барцом вольнага стылю ў гісторыі спорту і ўведзены ў Залу спартовай славы барацьбы. Пасля фальсіфікацыі выбараў і падаўлення пратэстаў 2020 года падпісаў адкрыты ліст спартоўцаў, якія падтрымалі Лукашэнку. 16 верасня Аляксандру Мядзведзю магло споўніцца 87 гадоў.
![Умер легендарный белорусский борец Александр Медведь](/sites/default/files/styles/default_image_paragraph/public/paragraphs/image/medved_2.jpg.webp?itok=uQ3kjabI)
![Умер легендарный белорусский борец Александр Медведь](/sites/default/files/styles/default_image_paragraph/public/paragraphs/image/medved_3.jpg.webp?itok=w_WYfwqi)
![Умер легендарный белорусский борец Александр Медведь](/sites/default/files/styles/default_image_paragraph/public/paragraphs/image/medved4.jpg.webp?itok=xAtEL_1w)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.