У Клімавічах двойчы за дзень з-за аварый на трубаправодзе знікала халодная вада
![ Для людзей арганізавалі падвоз вады (ілюстрацыйнае фота)](/sites/default/files/styles/gallery_main/public/2023-12/123.jpg.webp?itok=_2LER0h9)
Для людзей арганізавалі падвоз вады (ілюстрацыйнае фота) / sb.by
У горадзе Клімавічы ў Магілёўскай вобласці двойчы за дзень з-за аварый на трубаправодзе знікала халодная вада. Без яе былі дзясяткі шматкватэрных і сотні прыватных дамоў, паведамляюць ратавальнікі.
Першая інфармацыя пра аварыю па вуліцы Леніна, 76 з'явілася пасля 7-й гадзіны раніцы 22 студзеня. Там адбыўся прарыў трубаправода халоднага водазабеспячэння. Без вады заставаліся 21 шматкватэрны і 760 прыватных жылых дамоў. Для людзей арганізавалі падвоз вады. Аднак да 14-й гадзіны наступствы аварыі ліквідавалі і вада ў кранах у кватэрах і дамах з'явілася.
Аднак каля 18-й гадзіны адбылася чарговая аварыя. На гэты раз па вуліцы Леніна, 82. Там адбыўся прарыў таго ж трубаправода. Без вады заставаліся 31 шматкватэрны і 761 прыватны жылы дом. Для людзей зноў арганізавалі падвоз вады. Наступствы аварыі ўдалося ліквідаваць апоўначы.
Падобныя аварыі ў Беларусі нярэдкія, яны адбываюцца ў розных рэгіёнах краіны. Інфраструктура патрабуе ўкладання значных сродкаў, а яны ідуць найперш на сілавікоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.