У Магілёве з'явяцца стэнды з цытатамі Янкі Купалы і Уладзіміра Караткевіча
Актывісты магілеўскай гарадской арганізацыі ТБМ прапанавалі ўладам усталяваць два банеры з выказваннямі класікаў беларускай літаратуры.
Магілёўскія ўлады падтрымалі меркаванне Таварыства беларускай мовы пра неабходнасьць больш частага выкарыстання беларускай мовы ў надпісах і ўказальніках у Магілёве. Старшыня гарвыканкама Уладзімір Цумараў станоўча ўспрыняў прапанову аб усталяванні банераў з цытатамі з твору Уладзіміра Караткевіча "Сівая легенда".
Таксама чыноўнікі паабяцалі знайсці месца для стэнда з цытатамі з паэмы Янкі Купалы "Магіла льва", інфармуе БелаПАН.
