У Маладзечне развітваюцца з загінулым Мікітам Крыўцовым

Сябар Мікіты Арцём распавёў Еўрарадыё, што ён не верыць у афіцыйную версію смерці. Яны сябруюць, разам гулялі футбол, былі футбольнымі фанатамі. Мікіту апошні раз ён бачыў 10 жніўня. На думку Арцёма, сябра маглі закатаваць. 

28-гадовы Крыўцоў знік у Мінску 12 жніўня падчас масавых пратэстаў. 22 жніўня яго знайшлі павешаным у лесапаласе. Следчы камітэт заявіў, што смерць Крыўцова "не носіць крымінальнага характару, бачных цялесных пашкоджанняў на целе не выяўлена".