У Малдове затрымалі беларуса, які перапраўляў кантрабанду цыгарэт на самалёце
У Малдове затрымалі беларуса, які перапраўляў кантрабанду цыгарэт на самалёце ў Румынію. Як паведамляе прэс-служба ўкраінскіх памежнікаў, гэта была сумесная аперацыя сілавікоў Украіны і Малдовы. Уначы на мяжы на малдоўскай тэрыторыі быў выяўлены самалёт АН-2 украінскай рэгістрацыі, аўтамабіль з палівам і трое чалавек, якія займаліся запраўкай. Высветлілася, што двое з затрыманых украінцы, а трэці — беларус.
Мяркуецца, што на самалёце перавозіліся кантрабандныя цыгарэты, праводзіцца расследаванне.
Затрыманыя кантрабандысты / dpsu.gov.ua
