У Нясвіжы прадпрымальнікі пратэстуюць супраць планаў закрыцця міні-рынка

Нясвіжскія гарадскія ўлады атрымалі калектыўную заяву, падпісаную 44 мясцовымі прадпрымальнікамі. Яны пратэстуюць супраць планаў закрыцця ў горадзе на вуліцы Садовай міні-рынку. Да заявы прыкладзеныя і 130 подпісаў мясцовых жыхароў, якія таксама нязгодныя з рашэннем уладаў. Чыноўнікі тлумачаць сваю пазіцыю тым, што на месцы міні-рынку яны плануюць зрабіць бясплатную аўтастаянку, бо ў горадзе не хапае месцаў для паркоўкі.

А прадпрымальнікам выдзеляць новыя гандлёвыя месцы, толькі ўжо не ў цэнтры, а на ўскраіне горада.

Алесь Літоўчык, Еўрапейскае радыё для Беларусі