У Полацкім раёне затрыманыя Алег і Вольга Рудаковы
Алег Рудакоў / gorod214.by
24 жніўня ў Полацкім раёне былі затрыманыя Алег і Вольга Рудаковы, паведамляюць праваабаронцы.
Алег Рудакоў у 1996-м стварыў і 17 гадоў узначальваў Іркуцкае таварыства беларускай культуры імя Яна Чэрскага "Крывічы". Гэта найбуйнейшае ў Сібіры нацыянальна-культурнае ўтварэнне (сярод чатырох дзясяткаў іншых) і адна з самых актыўных у Расіі беларускіх суполак.
Некалькі гадоў таму Алег Рудакоў разам з жонкай Вольгай вярнуўся ў Беларусь. Яны жывуць у вёсцы Бяздзедавічы на Полаччыне.
Рудакоў — часты ўдзельнік фэстаў у рэгіёне, дзе ён прадае нацыянальныя сувеніры.
