У Польшчы прымаюць дакументы на працягванне гуманітарнай візы ад усіх беларусаў
Варшава / pixabay.com
Візавыя цэнтры ў Польшчы цяпер прымаюць дакументы на працягванне гуманітарнай візы ад усіх грамадзян Беларусі. Пра гэта паведамілі адразу некалькі чытачоў Еўрарадыё.
Напярэдадні стала вядома, што працягнуць "гуманітарку" ў Польшчы дазваляюць толькі тым беларусам, хто прыехаў з Украіны пасля пачатку вайны ці адкрыў візу на ўкраінскай тэрыторыі. Іншым беларусам некаторыя цэнтры адмаўлялі ў афармленні дакументаў. Відаць, там зразумелі, што такія адмовы неправамерныя і не адпавядаюць дзейнаму польскаму заканадаўству.
