У Салігорску ў ігральным клубе ўкраінец разбіў келіх аб галаву мясцовага жыхара

У Салігорску ў ігральным клубе ўкраінец разбіў келіх аб галаву 24-гадовага мясцовага жыхара. Паміж сабой яны не былі знаёмыя. Беларус рабіў стаўкі, калі атрымаў удар па галаве. 27-гадовага ўкраінца затрымалі. Мужчына быў у стане алкагольнага ап’янення, рабіў стаўкі на суседнім аўтамаце, прайграў грошы і проста ашалеў. Тут яму пад руку і патрапіў адзін з кліентаў ігральнага клуба.

У адносінах украінца распачалі крымінальную справу па артыкуле “Асабліва злоснае хуліганства” (ч. 3 арт. 339 КК), яму пагражае да 10 гадоў пазбаўлення волі. Дарэчы, замежнік жыў у Салігорскім раёне і нідзе не працаваў. Яго могуць пазбавіць віду на жыхарства ў нашай краіне, інфармуе афіцыйны прадстаўнік УУС Мінскага аблвыканкама Аляксандр Марчанка.