У СК пракаментавалі забойства жанчыны і падзенне мужчыны з акна ў Мінску
У Следчым камітэце пракаментавалі забойства жанчыны і падзенне мужчыны з акна ў адным з шматпавярховікаў па праспекце Ракасоўскага ў Мінску. Трагічнае здарэнне адбылося ўвечары 8 лістапада. Спачатку стала вядома, што з акна 5-га паверха ўпаў 36-гадовы мужчына. Ён знаходзіцца ў цяжкім стане ў бальніцы. У кватэры пацярпелага знайшлі забітую 33-гадовую жанчыну. У яе было агнястрэльнае раненне. Па факце забойства распачата крымінальная справа, прызначаны экспертызы, дапытаны суседзі.
Іншыя падрабязнасці СК не паведамляе. Напярэдадні пра здарэнне напісала прэс-служба МУС, але таксама толькі агульную інфармацыю.
