У Слоніме выратавалі мужчыну, які праваліўся пад лёд
![У Слоніме выратавалі мужчыну, які праваліўся пад лёд](/sites/default/files/styles/gallery_main/public/2023-08/liod-2002.jpg.webp?itok=qcqqn8E8)
49-гадовага слонімца дасталі з палонкі ратавальнікі ўвечары 19 лютага. Як паведамляе сайт МНС, звесткі пра мужчыну, які праваліўся пад лёд каля чыгуначнага моста па вуліцы Агінскага, ратавальнікі атрымалі ў 22.07.
Работнікі МНС выцягнулі яго з вады з дапамогай вяроўкі і дошкі. Выратаванаму мужчыну паставілі дыягназ агульнае пераахаладжэнне арганізма, а таксама вострая алкагольная інтаксікацыя. Яго шпіталізавалі ў рэанімацыйнае аддзяленне Слонімскай лякарні.