У траўні сярэдні заробак мінчукоў знізіўся
У траўні намінальны налічаны сярэдні заробак мінчукоў знізіўся. У красавіку ён складаў 1103,3 рубля, у мінулым месяцы — 1078,2 рубля. Зніжэнне склала больш за 25 рублёў. Аднак сярэдні заробак жыхароў сталіцы па-ранейшаму перавышае 1000 рублёў.
Як інфармуе Белстат, сярэдні заробак зніжаўся ў Мінску ў студзені-лютым 2017-га (да 1020,2 рубля), а вось у сакавіку ён павысіўся да 1118,1 рубля, каб у наступным месяцы зноў знізіцца.
