У верасні ў Беларусі падаражэе толькі адна марка цыгарэт
![Цыгарэты, ілюстрацыйнае фота](/sites/default/files/styles/gallery_main/public/2023-12/cyharety-2912.jpg.webp?itok=owxmCV50)
Цыгарэты, ілюстрацыйнае фота / pixabay.com
Ад 1 верасня ў Беларусі падаражэе толькі адна марка цыгарэт, паведамляе прэс-служба Міністэрства па падатках і зборах.
Цыгарэты Pall Mall Superslims Azure ад тытунёвай фабрыкі "Нёман", ТАА "Тытунь-Інвест" і ТАА "Сентоні ПРО" падаражэюць на 15 капеек і стануць каштаваць 5,70 рубля.
Цэны на астатнія маркі цыгарэт застануцца ранейшымі.
Затое з верасня ў продажы з'явяцца новыя маркі. "АЛІДЗІ-Вест" пачне выпуск Rothmans Click Amber, Rothmans Click Coral і Rothmans Click Purple. Усе яны будуць каштаваць 5,60 рубля за пачак.
Новую марку цыгарэтаў выпускае і "Інтэр Табака". За 5,90 рубля можна будзе купіць пачак цыгарэт Lucky Strike Aroma Violet.
Папярэдні раз цыгарэты ў Беларусі даражэлі 1 жніўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.