Украіна святкуе Дзень Незалежнасці — трансляцыя святочнага параду онлайн
24 жніўня Украіна адзначае 25 гадоў з дня аднаўлення незалежнасці. З нагоды гэтага свята ў Кіеве пройдзе грандыёзны ваенны парад. У 10.00 канал Hromadske запусціць лайв-стрым парада — за імпрэзай можна будзе сачыць у інтэрнэце ў рэжыме рэальнага часу.
Пасля параду адбудзецца Марш Няскораных — шэсце людзей, якія страцілі блізкіх падчас падзеяў рэвалюцыі Майдана і ў ваенных дзеяннях на ўсходзе Украіны. Пачатак шэсця — у 12.00 і яго таксама можна паглядзець жыўцом.
25 гадоў таму, 24 жніўня 1991 года Вярхоўны савет Украінскай ССР прыняў акт абвяшчэння незалежнасці Украіны. Менавіта гэтая дата стала затым афіцыйным дзяржаўным святам.
