Уладальнікі "Grammy" Bon Iver граюць на піяніна "Беларусь" (відэа)
Амерыканскія indie-фолкеры сыгралі на беларускім інструменце песню "I Can't Make You Love Me/Nick of Time" — B-side з сінгла "Calgary".
Гэтая песня — запаволены і пяшчотны кавер на хіт Боні Раіт (Bonnie Raitt) "I Can't Make You Love Me". Bon Iver выдалі яе на сінгле "Calgary" у сярэдзіне 2011 года. У тым жа годзе гурт запісаў альбом "Bon Iver, Bon Iver", які неўзабаве атрымаў прэмію "Grammy" як лепшы альтэрнатыўны альбом.
Кліп на "I Can't Make You Love Me/Nick of Time" выдадзены ў чэрвені 2011 года. Ключавую ролю ў якім грае піяніна "Беларусь", на якім, у сваю чаргу, грае вакаліст Bon Iver Джасцін Вернан (Justin Vernon). На Youtube за два гады яго прагледзелі 6,3 мільёна чалавек.
Роднае піяніна ў кліпе Bon Iver заўважыў Raman Ksaitor.
