Улады абураныя тым, што вяскоўцы працуюць у бруднай вопратцы

У Мастоўскім раёне па ініцыятыве райвыканкама прайшоў "месячнік выканання заканадаўства па ахове працы". Пасля шэрагу праверак стала вядома, што толькі ў адным сельгаспрадпрыемстве раёна наладжана пранне і рамонт рабочай вопраткі. Было выяўлена, што брудная не толькі вопратка, але і самі людзі часцяком не маюць магчымасці памыцца: не ўсе працоўныя месцы адпавядаюць санітарным нормам. Ды і ў дамы сялянаў не заўсёды падведзены вадаправод.