Улаховіч: Новыя ваенныя базы хай будуць расійскія з падначаленнем Беларусі
У сваім тэлевыступе 23 верасня кандыдат у прэзідэнты Мікалай Улаховіч выступіў за шчыльную супрацу з Расіяй у ваеннай сферы. Па яго словах, цяперашнія ваенныя базы "хай застаюцца як ёсць. А новыя — хай будуць расійскія! З беларускім асабовым складам і падначаленнем беларускаму камандаванню".
Нагадаем, што Расія збіраецца паставіць у нашай краіне новую ваенную базу. Гэтыя планы выклікалі вялікую заклапочанасць у шэрагах беларускай апазіцыі.
