Уначы ў сераду ў Беларусі месцамі будзе да -22 градусаў
![Мароз і снег у студзені](/sites/default/files/styles/gallery_main/public/2024-01/house-4822469_1280.jpg.webp?itok=Pjz7hqND)
Мароз і снег у студзені / pixabay.com
Уначы ў сераду, 3 студзеня, на паўднёвым захадзе, а ўдзень амаль па ўсёй Беларусі чакаецца снег, месцамі — слабая завіруха. У дзённыя гадзіны у асобных раёнах на поўдні пройдзе моцны снег. Сіноптыкі таксама папярэджваюць пра галалёдзіцу на асобных участках дарог, пра наліпанне мокрага снегу на Брэстчыне ўначы (там жа у некаторых раёнах магчымыя мокры снег і дождж).
У начныя гадзіны тэмпература паветра складзе ад -2 градусаў на паўднёвым захадзе да -22 на паўночным усходзе, у дзённыя гадзіны — ад 0 на захадзе Брэсцкай вобласці да -16 на ўсходзе Віцебскай і Магілёўскай абласцей.
4 студзеня ўмовы надвор'я істотна не зменяцца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.