Урад Беларусі адмяняе самаізаляцыю для кантактаў першага і другога ўзроўняў
У Беларусі адмяняюць самаізаляцыю для кантактаў першага і другога ўзроўняў. Гэта прадугледжана ўрадавай пастановай (№ 727 ад 17 снежня 2021-га), якая ўносіць змены ў ранейшыя дакументы.
Новаўвядзенне пачынае дзейнічаць з 22 снежня. Аднак асобы, якія трапілі на самаізаляцыю да гэтай даты, павінны яе выконваць. У далейшым ёй падлягаюць толькі тыя, што заражаны COVID-19.
Урад прыняў пастанову аб самаізаляцыі ў красавіку 2020-га, яе падпісваў тагачасны прэм'ер Сяргей Румас.
