Урад Беларусі загадаў распрацаваць Праграму развіцця канкурэнцыі
У 2018 годзе Міністэрства антыманапольнага рэгулявання і гандлю павінна распрацаваць праект Праграмы развіцця канкурэнцыі. Такую задачу перад ведамствам паставіў першы віцэ-прэм'ер Васіль Мацюшэўскі.
"Ключавая задача МАРГ на гэты год — распрацоўка Праграмы развіцця канкурэнцыі на сярэднетэрміновую перспектыву. Яна павінна ўлічваць сучасныя рэаліі эканамічнага развіцця і прадугледжваць дзейсныя крокі па развіцці канкурэнцыі", — цытуе БЕЛТА словы чыноўніка. У працы над праграмай ён прапанаваў як улічваць міжнародны досвед, так і не забываць пра патэнцыял айчынных навукоўцаў.
Урад даручыў ведамству зрабіць аб'ектыўны аналіз заканадаўства краіны ў сферы канкурэнцыі і антыманапольнага рэгулявання. Чыноўнікі мусяць выявіць нормы, якія абмяжоўваюць канкурэнцыю, вызначыць індыкатары рэгулявання асобных таварных рынкаў Беларусі.
Мацюшэўскі ўдакладніў, што трэба выпрацаваць "дарожныя мапы" па развіцці канкурэнцыі для кожнай канкрэтнай галіне.
