Валерый Цапкала заяўляе, што сабраў 119 тысяч подпісаў

Ініцыятыўная група Валерыя Цапкалы сабрала 119 тысяч подпісаў за яго вылучэнне кандыдатам у прэзідэнты.  

"Па выніках выходных мы дасягнулі выніку ў 119 тысяч подпісаў, але збор працягваецца", — распавёў парталу TUT.by прадстаўнік групы Андрэй Ланкін.

Сам экс-кіраўнік ПВТ працягвае паездкі па рэгіёнах. У яго найбліжэйшых планах — Віцебск і Віцебская вобласць.

Для рэгістрацыі кандыдата ў прэзідэнты патрэбна 100 тысяч подпісаў. Міхаіл, Орда, кіраўнік ініцыятыўнай групы Аляксандра Лукашэнкі, некалькі дзён таму заявіў, што сабрана каля мільёна подпісаў. Увечары 7 чэрвеня Віктар Бабарыка паведаміў, што за яго сабрана 167 тысяч подпісаў. 

У іншых удзельнікаў прэзідэнцкай гонкі карціна наступная: 

Сяргей Чэрачэнь — 75 тысяч подпісаў;

Наталля Кісель — 74 тысячы подпісаў;

Ганна Канапацкая — 72 тысячы подпісаў;

Андрэй Дзмітрыеў — больш за 60 тысяч подпісаў.

Збор подпісаў завяршаецца 19 чэрвеня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.