Выбуховая прылада ў Харкаве была наладаваная арматурай і прыкапаная ў снезе

Паводле папярэдняй інфармацыі, выбух каля Палаца спорту ў Харкаве адбыўся ад самаробнай выбуховай прылады. Пра гэта паведаміў пракурор Харкаўскай вобласці Юрый Данільчанка, перадае "Інтэрфакс".

Па словах пракурора, выбуховая прылада была наладваная абрэзкамі арматуры. Паводле папярэдняй інфармацыі, яна ляжала ў цэлафанавым пакеце і была прыкапаная ў снезе. У якасці выбуховага рэчыва, хутчэй за ўсё, выкарыстоўваўся траціл, кажа Данільчанка.

У сваю чаргу, начальнік УСБУ ў Харкаўскай вобласці Аляксандр Півавар паведаміў, што, верагодна, аналагічная выбуховая прылада выкарыстоўвалася для выбуху каля Маскоўскага райсуда Харкава 19 студзеня.

Ён дадаў, што дзякуючы "Газелі", якая праязджала міма месца выбуху ў момант спрацоўвання прылады, колькасць ахвяр меншая, чым магла б быць.

Фота — hromadske.tv