Выдавецтва "Янушкевіч" заключыла кантракт з пісьменнікам Стывенам Кінгам
Стывен Кінг / Reuters
Выдавецтва "Янушкевіч" заключыла кантракт з амерыканскім пісьменнікам Стывенам Кінгам. Пра гэта ў Facebook паведаміў Андрэй Янушкевіч. Першая кніга выйдзе ўжо сёлета.
"Цяпер сусветна вядомы пісьменнік — наш аўтар, — піша Янушкевіч. — Плануем выдаць як яго класічныя творы, так і найноўшыя. Выданне беларускіх перакладаў асабліва важна таму, што аўтар забараніў выдаваць свае творы ў Расіі. Гэта быў ягоны адказ на ўварванне ў Украіну".
З-за рэпрэсій у Беларусі выдавецтва "Янушкевіч" вымушана працуе за мяжой. У РБ яго пазбавілі ліцэнзіі. Спярша ў 2022-м выдавецтва выселілі з офіса, пасля сілавікі разграмілі ў Мінску новаадкрытую кнігарню "Кнігаўка", якая паспела адпрацаваць толькі некалькі гадзінаў, і затрымалі Андрэя Янушкевіча. Пасля выхаду на волю ён з'ехаў у Польшчу.
