Выпускніца ашмянскай гімназіі атрымала 100 балаў па двух прадметах на ЦТ

Былая навучэнка гімназіі №1 горада Ашмяны Анастасія Саванец здала біялогію і хімію на цэнтралізаваным тэставанні на 100 балаў. Тэсты па беларускай мове яна здала на 97 балаў. Па выніках навучання сярэдні бал атэстата Анастасіі складае 10 балаў.

Як паведамляе тэлеканал "Гродна 24", да поспеху дзяўчына ішла адзінаццаць гадоў навучання. Круглая выдатніца сістэматычна ўдзельнічала ў алімпіядах і конкурсах. Напрыклад, на яе рахунку — перамогі на абласным этапе алімпіяд па хіміі. Таксама Анастасія з'яўляецца трэнеркай валанцёрскага руху.