Ябацькі не хочуць, каб бібліятэцы ў Астраўцы надалі імя Адама Мальдзіса
![Ябацькі не хочуць, каб бібліятэцы ў Астраўцы надалі імя Адама Мальдзіса](/sites/default/files/styles/gallery_main/public/2023-08/maldzis-0301.jpg.webp?itok=j47wqt4t)
Ваяўнічыя прыхільнікі Лукашэнкі пачалі кампанію супраць таго, каб бібліятэцы ў Астраўцы надалі імя Адама Мальдзіса. Вольга Бондарава ад імя "Гродзенскага гісторыка-патрыятычнага пошукавага клуба "Аркона" звярнулася ў Гродзенскі аблвыканкам з просьбай паўплываць на гэтае рашэнне.
Яна лічыць, што кіраўніцтва Астравецкага райвыканкама не мела рацыі, калі "цішком прагаласавала за прысваенне дзяржаўнай установе культуры імя прапольскага дзеяча і махрыстага нацыяналіста". Гэта пра знакамітага беларускага літаратуразнаўцу, лаўрэата Ордэна Францыска Скарыны.
Адказ ад ведамства Бондарвава пакуль не размясціла.
![Ябацькі не хочуць, каб бібліятэцы ў Астраўцы надалі імя Адама Мальдзіса](/sites/default/files/styles/default_image_paragraph_watermark/public/paragraphs/image/mald1.png.webp?itok=3qvix-W5)
![Ябацькі не хочуць, каб бібліятэцы ў Астраўцы надалі імя Адама Мальдзіса](/sites/default/files/styles/default_image_paragraph_watermark/public/paragraphs/image/mald2.png.webp?itok=ejGapUPE)
Пра тое, што Астравецкая раённая бібліятэка атрымала імя Адама Мальдзіса, напісаў яго сын Яраслаў. Шыльда на будынку бібліятэкі мусіць з'явіцца 7 жніўня, да 90-х угодкаў са дня нараджэння навукоўца.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.