Як міністр аховы здароўя ўцёк ад пратэстоўцаў
17 жніўня медыкі наладзілі акцыю пратэсту каля Міністэрства аховы здароўя. Яны пратэстуюць супраць гвалту сілавікоў. Міністр Уладзімір Каранік адмовіўся адказваць на пытанні і пад крыкі "Ганьба!" з'ехаў на аўтамабілі (нейкі час яго машыну не прапускалі пратэстоўцы). Падтрымаць медыкаў прыйшло шмат пратэстоўцаў. Сярод іх — Лявон Вольскі.
Медыкі патрабавалі доступ лекараў у месцы зняволення людзей для агляду затрыманых і збітых людзей. Яны абураныя сведчаннямі пра зверствы сілавікоў. Людзі патрабуюць адстаўкі Караніка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
