Януковіч спрабуе адмяніць санкцыі ЕС праз суд
Віктар Януковіч, яго сыны Віктар і Аляксандр, а таксама бізнесовец Сяргей Курчанка звярнуліся ў Еўрапейскі суд у Люксембургу.
Яны падалі скаргу на санкцыі, уведзеныя супраць іх Еўрасаюзам, перадае ВВС. Усе пазоўнікі просяць суд адмяніць рашэнне Савета ЕС ад 5 сакавіка 2014 года "пра абмежавальныя меры, накіраваных супраць асобных асоб, арганізацый і органаў у сувязі з сітуацыяй ва Украіне".
Пазоўнікі, у прыватнасці, адзначаюць, што Савет ЕС не меў дастатковай доказнай базы для ўвядзення санкцый. Януковіч таксама паскардзіўся на тое, што ў рашэнні Савета ЕС фігуруе як "былы прэзідэнт" — на яго думку, гэта супярэчыць закону.
Фота — piter.tv
