З мінскай школы эвакуявалі больш за 800 чалавек
Усіх вучняў вывелі з будынка яшчэ да прыезду ратавальнікаў / t.me/mchs112by/
З мінскай школы № 218 па вуліцы Ясеніна эвакуявалі больш за 800 чалавек (у тым ліку 772 вучні). Здарэнне адбылося ўдзень 12 сакавіка.
Як паведамляе прэс-служба МНС, на трэцім паверсе будынка ўзнікла ўзгаранне. Яго самастойна пры дапамозе парашковага вогнетушыцеля ліквідавала настаўніца хіміі. У выніку ніхто не пацярпеў. Прычыны ўзгарання цяпер высвятляюцца.
