З-за Еўрагульняў зборная Беларусі па футболе будзе гуляць у Барысаве

Першыя хатнія паядынкі нацыянальнай зборнай Беларусі па футболе ў адборы Еўра-2020 пройдуць не на мінскім стадыёне "Дынама", а на "Барысаў-Арэне". Гаворка пра матчы 8 чэрвеня са зборнай Германіі і 11 чэрвеня з камандай Паўночнай Ірландыі. Яны пачнуцца ў 21:45. Прычына пераносу гульняў у Барысаў — Еўрапейскія гульні, якія пройдуць у чэрвені ў Мінску, у тым ліку і на стадыёне "Дынама", інфармуе прэс-служба Беларускай федэрацыі футбола.

Зборная Беларусі з адборачным турніры ў групе С, акрамя зборных Германі і Паўночнай Ірландыі, сустрэнецца з камандамі Галандыі і Эстоніі. 21 сакавіка ў першым туры дружына Ігара Крывушэнкі згуляе ў гасцях з Галандыяй. 24 сакавіка таксама ў гасцях беларусы сустрэнуцца з Паўночнай Ірландыяй.

На кантынентальнае першынства адбяруць дзве найлепшыя каманды з групы.