За антываенны пратэст дзве дачкі Ганны Севярынец асуджаны на 15 сутак
За антываенны пратэст дзве дачкі пісьменніцы Ганны Севярынец асуджаны на 15 сутак адміністрацыйнага арышту. Пра гэта яна паведаміла ў Facebook.
Жэню і Любу затрымалі 28 лютага побач з чыгуначным вакзалам у Мінску.
"Трымаліся добра, Жэня спыталася ў сведкі-міліцыянта, ці не сорамна яму, — піша Севярынец. — Мяне ў залю не пусцілі, слухала пад дзвярыма. Напісала скаргу на дзеянні суддзі".
Ганна Севярынец — сястра палітвязня Паўла Севярынца.
