За разгон Майдана звольнілі дваіх буйных украінскіх чыноўнікаў
Пасадаў пазбавіліся кіраўнік Кіеўскай горадміністрацыі Аляксандр Папоў і намеснік сакратара Рады нацыянальнай бяспекі і абароны Уладзімір Сіўковіч.
Адпаведныя ўказы падпісаў прэзідэнт Украіны Віктар Януковіч, інфармуе zn.ua. У паведамленні на афіцыйным сайце кіраўнік краіны адзначаецца, што абодва чыноўніка адхіленыя ў сувязі з падазрэннямі ў спрычыннасці да парушэння канстытуцыйных правоў грамадзян, якія 30 лістапада знаходзіліся на Майдане Незалежнасці ў Кіеве.
“Прэзідэнт спадзяецца, што Генеральная пракуратура аб’ектыўна і ўсебакова правядзе расследаванне гэтых падзеяў і прапануе грамадству канкрэтныя юрыдычныя захады рэагавання на дапушчаныя супрацьпраўныя дзеянні”, — гаворыцца ў паведамленні прэс-службы прэзідэнта Януковіча.
