Забойцаў з Жыткавіччыны адпусцілі пад хатні арышт пасля ўмяшання Лукашэнкі
6 лютага пракуратура Гомельскай вобласці змяніла меру стрымання тром жыхароў вёскі Пухавічы Жыткавіцкага раёна. Іх вінавацяць у забойстве аднавяскоўца-падпальшчыка. Мужчыны адпушчаныя з СІЗА і ў суправаджэнні міліцыі дастаўленыя ў родную вёску. Да суда яны будуць знаходзіцца пад хатнім арыштам.
Забойства адбылося 31 снежня 2008 года. На 43-гадовага забітага мужчыну раней была распачатая крымінальная справа: яго падазравалі ў трох падпалах у роднай вёсцы ў лістападзе—снежні 2008 года. Мужчына шэсць разоў быў судзімы. Сын (1972 гады нараджэння) адной з жанчын, маёмасць якой пацярпела пры пажары, і двое яго знаёмых 1974 і 1980 гадоў нараджэння вырашылі адпомсціць падпальшчыку — забілі яго, а труп спрабавалі спаліць. Цела было знойдзенае 6 студзеня. Праз чатыры дні падазроных затрымалі. На іх пачалі справу па ч. 1 арт. 139 Крымінальнага кодэкса (забойства).
6 лютага на нарадзе па пытаннях удасканалення крымінальнага заканадаўства Аляксандр Лукашэнка звярнуўся да міністра ўнутраных спраў Уладзіміра Навумова з просьбай адвезці падазроных на радзіму і пакінуць іх пад хатнім арыштам да канца следства. У ізалятары яны прабылі 27 дзён.
Адзін з абвінавачаных, Андрэй Петручэня, паведаміў БелаПАН, што ў вёсцы яго вызваленне ўспрынялі дадатна, суседзі і блізкія людзі сустрэлі іх добра. Па ягоных словах, забіты пагражаў яго маці, паліў стагі сена. Петручэня адзначыў, што яны не збіраліся забіваць, проста хацелі правучыць падпальшчыка.
Забойства адбылося 31 снежня 2008 года. На 43-гадовага забітага мужчыну раней была распачатая крымінальная справа: яго падазравалі ў трох падпалах у роднай вёсцы ў лістападзе—снежні 2008 года. Мужчына шэсць разоў быў судзімы. Сын (1972 гады нараджэння) адной з жанчын, маёмасць якой пацярпела пры пажары, і двое яго знаёмых 1974 і 1980 гадоў нараджэння вырашылі адпомсціць падпальшчыку — забілі яго, а труп спрабавалі спаліць. Цела было знойдзенае 6 студзеня. Праз чатыры дні падазроных затрымалі. На іх пачалі справу па ч. 1 арт. 139 Крымінальнага кодэкса (забойства).
6 лютага на нарадзе па пытаннях удасканалення крымінальнага заканадаўства Аляксандр Лукашэнка звярнуўся да міністра ўнутраных спраў Уладзіміра Навумова з просьбай адвезці падазроных на радзіму і пакінуць іх пад хатнім арыштам да канца следства. У ізалятары яны прабылі 27 дзён.
Адзін з абвінавачаных, Андрэй Петручэня, паведаміў БелаПАН, што ў вёсцы яго вызваленне ўспрынялі дадатна, суседзі і блізкія людзі сустрэлі іх добра. Па ягоных словах, забіты пагражаў яго маці, паліў стагі сена. Петручэня адзначыў, што яны не збіраліся забіваць, проста хацелі правучыць падпальшчыка.
