Затрымалі барысаўскага таксоўца, які адмовіўся везці расійскага вайскоўца
Сілавікі затрымалі барысаўскага таксоўца, які адмовіўся везці расійскага вайскоўца, паведамляюць праваабаронцы.
"Пакуль не выведуць войскі, мы вас не возім, звяртайцеся да свайго кіраўніцтва", — сказаў таксовец. Відэа, знятае ім, шырока разышлося ў інтэрнэце.
Цяпер мужчыну затрымалі і вінавацяць у садзеянні экстрэмізму (ч. 4 арт. 361 Крымінальнага кодэкса) за відэа перамяшчэнняў ваеннай тэхнікі. Гэтае відэа ён перасылаў у ТГ-каналы, прызнаныя ў Беларусі экстрэмісцкімі.
На праўладных ТГ-каналах з'явілася відэа, дзе ён кажа, што з жніўня 2020 года падпісаны на тэлеграм-каналы, якія прызнаны экстрэмісцкімі.
