Затрыманых у лазні жодзінцаў асудзілі на 15-25 сутак
Затрыманых у прыватнай лазні жодзінцаў асудзілі на 15-25 сутак адміністрацыйнага арышту, паведамляе тг-канал @viasnanazirae. Па версіі міліцыі, увечары 24 красавіка 13 жанчын і 7 мужчын "праводзілі несанкцыянаванае масавае мерапрыемства”. Навіну пра гэта сілавікі праілюстравалі фотаздымкам застолля і бел-чырвона-белага сцяга на падлозе. Людзей затрымалі і прывезлі ў міліцыю. Жанчын пазней адпусцілі, а мужчын пакінулі.
Чацвёра затрыманых мужчын — Аляксандр Кавалёў, Яўген Шаляпень, Станіслаў Рэпкін і Яўген Літвінаў — абвясцілі галадоўку. Яны пратэстуюць супраць таго, што ім выставілі абвінавачванні ва ўдзеле ў масавым мерапрыемстве і непадпарадкаванні супрацоўнікам міліцыі. У затрыманых дома адбыліся ператрусы.
Суды праходзілі 27 красавіка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.