Жодзінскага пенсіянера асудзілі за забойства на 13 гадоў

Суд Жодзіна асудзіў Яўгена Шульгу на 13 гадоў пазбаўлення волі за забойства Дзмітрыя Кавалёнка. Паводле прысуду мужчына таксама абавязаны выплаціць пацярпелым (жонцы і бацькам забітага) 60 тысяч рублёў за маральную шкоду, піша tut.by.

63-гадовага Яўгена Шульгу прызналі вінаватым у незаконных дзеяннях з агнястрэльнай зброяй і забойстве. 

У сваім апошнім слове падсудны заявіў, што на апраўданне не спадзяецца, злачынства загадзя не планаваў, атрымалася выпадкова.

Інцыдэнт, які прывёў да суда адбыўся ў снежні 2017 года. Яўген Шульга адным стрэлам забіў роднага брата свайго зяця, які раней загінуў у ДТЗ. 

Пасля ДТЗ сваякі дзялілі маёмасць. У 2011 годзе яны заключылі міравое пагадненне. Паводле дакументаў, дачцэ і ўнучцы абвінавачанага адышлі крама, нежылое памяшканне (крама ў склепе), грузавы аўтамабіль "Мерсэдэс-Бенц" 1994 года, зямельны ўчастак, катэдж у 500 квадратных метраў, аўтамабіль "Опель" 1998 года выпуску. Бацькам загінулага бізнэсоўца дасталася чатырохпакаёвая кватэра і тавар у арандаванай краме.

Прысуд па справе Шульгі не набыў законную моц і можа быць абскарджаны.