Журналіст і палітвязень Алег Груздзіловіч 10 дзён прабыў у штрафным ізалятары
Журналіст і палітвязень Алег Груздзіловіч 10 дзён прабыў у штрафным ізалятары. У канцы траўня яго этапавалі ў магілёўскую калонію № 15. І адразу ж адправілі ў штрафны ізалятар. Жонка Мар'яна лічыць, што мужа маглі адправіць туды другі раз, паколькі зноў няма лістоў.
У пачатку сакавіка ў Мінску Груздзіловіча асудзілі на 1,5 года калоніі агульнага рэжыму за ўдзел у пратэсных акцыях. Але ён на іх прысутнічаў як пазаштатны журналіст "Народнай волі".
Алег Груздзіловіч — былы журналіст Радыё "Свабода" (прызнанае ў нашай краіне "экстрэмісцкім фармаваннем"). Ён знаходзіцца за кратамі з 23 снежня 2021 года. Праваабаронцы прызналі яго палітвязнем.
