Жыхар Гродна праліў на сябе растваральнік, пасля чаго запаліў цыгарэту
28-гадовы жыхар Гродна атрымаў апёкі першай-другой ступені пры курэнні. Паведамленне пра гэта гродзенскія ратавальнікі атрымалі ўвечары 26 студзеня. Паведамляецца, што ў мужчыны абгарэла 10% цела.
Паводле інфармацыі Гродзенскага абласнога ўпраўлення МНС, апёкі былі атрыманыя ў выніку неасцярожнага абыходжання з агнём пры курэнні. Мужчына праліў на вопратку растваральнік, пасля чаго запаліў цыгарэту.
