Жыхары Гродна і Навагрудка заставаліся без святла
![Жыхары Гродна і Навагрудка заставаліся без святла](/sites/default/files/styles/gallery_main/public/2023-08/biezsviatla-0702.jpg.webp?itok=CeZdHJyl)
У Гродне 6 лютага двойчы за дзень адбываліся адключэнні электрычнасці, паведамляе прэс-служба Гродзенскага абласнога ўпраўлення МНС.
Першае здарэнне адбылося ў 8.42 раніцы. Без электрычнасці апынуліся чатыры шматкватэрныя жылыя дамы па вул. Паповіча, кінатэатр "Кастрычнік", ААТ "Белаграпрамбанк", гарадская клініка хуткай медыцынскай дапамогі (там запусцілі дызель-генератар). Прычынай аварыі стала пашкоджанне кабельнай лініі 10 кВ. Электразабеспячэнне спажыўцоў было адноўленае ў 9.20.
Увечары, у 21.05, у абласным цэнтры зноў адбылася аварыя з электрычнасцю і па той самай прычыне. Гэтым разам без святла засталіся 38 шматкватэрных жылых дамоў па вуліцах Брыкеля, Таўлая, Ліможа. Аднавіць падачу электрычнасці спецыялісты здолелі ў 21.30.
Таксама ўвечары праблемы з электразабеспячэннем узніклі ў жыхароў Навагрудка. У 20.15 без святла апынуліся 48 прыватных жылых дамоў. Аднавіць ім падачу электрычнасці ўдалося толькі праз дзве гадзіны. Прычынай здарэння стаў выхад з ладу трансфарматара ТМГ-160.