11 студзеня рубель у Беларусі ўмацаваўся адносна ўсіх валют
Па выніках чарговых таргоў, якія адбыліся 11 студзеня на Беларускай валютна-фондавай біржы, Нацбанк вызначыў новыя курсы валют. Сёння курс рубля вырас адносна ўсіх асноўных валют.
Курс долара ЗША знізіўся з 2,1532 да 2,1503 беларускага рубля. Курс еўра таксама пайшоў наніз — з 2,4851 да 2,4778 рубля. За 100 расійскіх рублёў сёння даюць 3,2144 беларускага (у чацвер — 3,2148).
У параўнанні з кошыкам валют рубель умацаваўся на 0,11%.
