16:45 Беларуская інтэлігенцыя — супраць храма Сувораву
Кіраўнікі шэрагу
беларускіх грамадскіх арганізацый скіравалі ліст мітрапаліту Філарэту. Яны
настойліва просяць кіраўніцтва Беларускага Экзархату адмовіцца ад ідэі
пабудаваць у Кобрыне храм-помнік у гонар Аляксандра Суворава.
Алесь Марачкін,
Алесь Пашкевіч і Алег Трусаў у лісце нагадваюць, чым вызначыўся ў Беларусі
расійскі палкаводзец — карнымі акцыямі, бязлітасным падаўленнем вызвольных
паўстанняў.
«Просім Вас не рабіць паспешлівых, непрадуманых крокаў пры
вырашэнні дадзенай праблемы, не гуляць пачуццямі простых вернікаў», —
заклікаюць мітрапаліта Філарэта кіраўнікі Згуртавання беларусаў свету
«Бацькаўшчына», Саюзу беларускіх пісьменнікаў і Таварыства беларускай мовы.
