350 чалавек эвакуявалі з магілёўскага каледжа з-за газавага балончыка
![350 чалавек эвакуявалі з магілёўскага каледжа з-за газавага балончыка](/sites/default/files/styles/gallery_main/public/2023-08/mahiliou-2404.jpg.webp?itok=wlm0T8TD)
350 чалавек былі эвакуяваныя з Магілёўскага дзяржаўнага політэхнічнага каледжа 23 красавіка, паведамляе прэс-служба МНС.
Каля 13-й гадзіны мясцовым ратавальнікам паведамілі пра рэзкі пах на паверхах пяціпавярховага навучальнага корпуса каледжа.
Яшчэ да прыбыцця ратавальнікаў персанал каледжа эвакуяваў з будынку 350 навучэнцаў. Работнікі МНС замерылі паветра на ўсіх паверхах, шкодныя рэчывы не былі выяўленыя. Памяшканні проста праветрылі.
Пацярпелых пры інцыдэнце няма.
Мяркуецца, што прычынай інцыдэнту стаў распылены газавы балончык.