Ад МХФ патрабуюць выбачэнняў за забарону на бел-чырвона-белы сцяг
Таксама ад міжнароднай хакейнай федэрацыі беларусы патрабуюць выказваць павагу да правоў чалавека падчас спаборніцтваў.
Збор подпісаў вядзецца на інтэрнэт-платформе change.org.
Нагадаем, што інцыдэнт з забаронай бела-чырвона-белага сцяга на чэмпіянаце свету па хакеі ў Швецыі атрымаў вялікі грамадскі розгалас. Пад ціскам грамадскасці міжнародная федэрацыя прапанавала "кампраміс": дазволіла праносіць сцягі на гульні, але забараніла разгортваць іх.
Такое рашэнне не задаволіла заўзятараў, таму яны пачалі збор подпісаў пад зваротам да Міжнароднай федэрацыі хакею з шайбай. Падпісаць петыцыю можна тут.
10 траўня на 14.30 было крыху больш за 800 подпісаў.
