Акадэмія навук прыдумала для школьнікаў дыетычную каўбасу
Тлушчу ў ёй менш, а яшчэ навукоўцы плануюць дадаць у яе вітаміны групы В і магній / pixabay, фота ілюстрацыйнае
Каўбасныя вырабы для харчавання дзяцей з павышаным індэксам масы цела прыдумалі ў беларускай Акадэміі навук. Зніжэння каларыйнасці прадукту дасягнулі за кошт змяншэння працэнта ўтрымання тлушчу.
"За кошт зніжэння ў рэцэптуры да 30% тлушчу нам удалося знізіць каларыйнасць з 246 да 160 кілакалорый на 100 грам прадукту", — расказала намесніца дырэктара па навуковай рабоце РУП "Інстытут мяса-малочнай прамысловасці" НАН Беларусі Алена Сцяпанава.
Таксама ў прадукце на 10% зніжанае ўтрыманне солі. І ёсць магчымасць дадаць у гэтую дыетычную каўбасу вітаміны групы В і магній.
Распрацоўка асартыменту такіх каўбасных вырабаў ужо на завяршальным этапе.
