Аляксандру Фядуту — 60 гадоў!
Аляксандр Фядута / Еўрарадыё
Сёння 60 гадоў спаўняецца Аляксандру Фядуту. Свой юбілей філосаф, літаратуразнаўца і палітолаг праводзіць за кратамі.
У свой час Фядута быў у камандзе Лукашэнкі і крыху працаваў у ягонай Адміністрацыі. Але пасля выхаду ў адстаўку стаў адным з самых яскравых крытыкаў беларускага кіраўніка.
Фядута — спецыяліст у галіне эліталогіі, публічнай палітыкі і палітычных тэхналогій — у красавіку 2021 годаа быў затрыманы ў Маскве па нібыта справе аб замаху на Лукашэнку. Яго асудзілі на 10 гадоў калоніі.
Адрас для лістоў: ВК № 15. 213105, г. Магілёў, п/а Вейна, Слаўгарадская шаша, 183
