Apple прадставіла новы смартфон iPhone SE
21 сакавіка амерыканская кампанія Apple прадставіла новы смартфон iPhone SE. Ён мае экран дыяганаллю чатыры цалі, 12-ці мегапіксельную камеру. ВВС адзначае, што мадэль стала самым кампактным смартфонам кампаніі з 2013 года. Апошняй да цяперашняга часу мадэллю з чатырохцалевым экранам быў iPhone 5S.
У шостага пакалення смартфонаў Apple дыяганаль экрана была большай. Фактычна iPhone SE ўяўляе сабой тэлефон з дызайнам iPhone 5S, але з начыннем ад iPhone 6S. Чакаецца, што цэны на новы смартфон будуць пачынацца ў раёне 400 долараў.
У апошнім квартале 2015 года Apple, нягледзячы на выпуск новай мадэлі 6S, паказала самыя нізкія за апошні час тэмпы росту продажаў "айфонаў", адзначае РБК. Аналітыкі не выключалі, што сёлета іх продажы скароцяцца ўпершыню з моманту выпуску самай першай мадэлі ў 2007 годзе.
