Арыштаваны дырэктар дома культуры, які абараняў 300-гадовыя дубы

Мясцовыя жыхары падняліся на абарону 300-гадовых дубоў на могілках, але іх усё роўна спілавалі. Дзямчук збіраў подпісы і выступаў за захаванне дрэваў. Сцвярджаецца, што ён "перашкаджаў рабочым працаваць" — залез на адно з дрэў. Пасля таго, як амапаўцы забралі дырэктара, дубы спілавалі.

Група вяскоўцаў выступала супраць знішчэння дубоў, бо дрэвам было па 200-300 гадоў. Аляксандр Дзямчук нават звярнуўся ў Інстытут эксперыментальнай батанікі НАН Беларусі. Была надзея, што "выдаленне дрэў" прыпыняць "да правядзення экспертызы стану і мэтазгоднасці абвяшчэння іх помнікамі прыроды". Але экспертызы дубы не дачакаліся — чыноўнікі вырашылі іх спілаваць.